Бишкекте түндүк айланма жолундагы 119 объект тазаланган. Бул объектилер тиешелүү уруксат кагаздары жок жайгашып, жерди пайдалануу эрежелерин бузган. Бул тууралуу шаардык мэриядан билдиришти.
Бишкек шаарынын мэриясынын Жер пайдаланууну контролдоо боюнча башкармалыгы түндүк айланма жолдун боюндагы уруксатсыз орнотулган объекттерди бузуу иштерин улантууда. «Адистер 32 метрге реконструкция боло турган аймакка чыгып калган 2 кабат дүкөндү демонтаждоодо. Натыйжада, мурда дүкөн болгон 89 чарчы метр муниципалдык жер бошотулат», — деп айтылат маалыматта.
