Быйыл үч айда Орусияда каза болгон 18 кыргызстандыктын сөөгү мекенине жеткирилди. Бул тууралуу Кыргызстандын Орусиядагы элчилигинин үч айдагы ишмердиги тууралуу маалыматта айтылат.
Ага ылайык, Орусиянын ар кайсы аймагындагы №13 түзөтүү мекемесинде кармалып турган 77 кыргызстандыкка жардам көрсөтүлгөн. Мындан тышкары, элчиликтин жана консулдуктун кызматкерлери кыргызстандыктар катышкан кылмыш иштери боюнча 17 соттук процесске катышкан.
“Алты Кыргыз жаранынын кылмыш жоопкерчилигин жеңилдетүүгө жана жоопкерчиликтен толук бошотууга көмөк көрсөтүлдү. Алты жарандын 624 миң рублдик маянасы өндүрүп берилди. Жалпы 45 миң 31 консулдук кызмат көрсөтүлдү, диаспоралар жана башка коомдук уюмдар менен 28 иш-чара уюштурулган. Орусиядагы жарандардан үч ай ичинде 521 кайрылуу түшкөн, былтыр ушул мөөнөттө кайрылгандар 258 болгон», — деп айтылат маалыматта.
