Кечээ, 7-мартта Чүй облусунун Аламүдүн районундагы Ала-Арча жаратылыш паркынын “Бокс” чокусунан түшүп келе жаткан чет элдик жаран бутун сындырып алган. Бул тууралуу ӨКМден билдиришти.
ӨКМдин куткаруучуларды даярдоочу мамлекеттик борборунун “Эдельвейс” тоодон куткаруу отрядынын 10 куткаруучусу саат 08:00дө жерине чыгып, саат 10:30да керектүү шаймандары менен Аламүдүн районундагы Ала-Арча капчыгайындагы “Хижина Рацека” туристтик жайына жетишкен.
Куткаруучулар жабырлануучуга өз убагында биринчи медициналык жардам көрсөтүп, андан ары коопсуз аймакка эвакуациялап, Тез жардам кызматына өткөрүп берген.
