31-мартта Бишкектеги сейил бактардын биринде 19 жаштагы кыз иштеп жаткан аттракциондон кулап түштү. Жабырлануучунун абалы тууралуу дарыгер “Баш мээси жабыркап, бет сөөктөрү сынган. Учурда абалы оор бойдон калууда” дейт. Парктын администрациясы аттракциондордун баары тиешелүү абалда экенин, инструкторлор аны иштетүүнүн алдында кардарларды текшерип чыгарын билдирди. Ошондой эле аттракционду иштетер алдында кызга бутун темирден чыгарбоону бир нече ирет эскерткенин, бирок ал аны аткарбаганын билдиришти.
«Бизге оор абалда келген. Башынан оор жаракат алган. Келгенде эле жандандыруу бөлүмүнө жаткырганбыз. Керектүү изилдөөлөр жүргүзүлдү. Азыркы учурда абалы оор бойдон, эс-учуна акырындан келип жатат. Баш сөөгү жабыркаган. Чеке, бет сөөгү сынган. Операциясыз дарылап жатабыз. Операция керек эмес», — деди шаардык тез жардам клиникасынын башкы дарыгеринин орун басары Илимбек Манапов.
