Аялдардын үнү айыл чарбасынан тартып, саясатка чейин угулушу керек. Бул тууралуу депутат Динара Ашимова соцтармактагы баракчасында жазды.
«Бүгүн Бишкекте ФАО конференциясында аялдардын агро азык-түлүк системаларындагы орду жана мүмкүнчүлүктөрү талкууланды. Айылдагы аял – бул жөн гана эмгек күч эмес, ал коомду өзгөртө турган лидер. Аларды чечим кабыл алууга катыштыруу – туруктуу өнүгүүнүн башаты.
Биздин максат – аялдарга билим, жер, технология жана каржылоого жетүү мүмкүнчүлүгүн берүү. Климаттын өзгөрүшү учурунда айымдар үчүн бизнес жана инновациялар боюнча мүмкүнчүлүктөр чексиз», — деп жазды ал.
