Жогорку Кеңештин депутаты Эльдар Сулайманов Ош шаарында “Мугалим – коомдун негизги күчү” аталышында Ош шаарынын жана Араван районунун мугалимдери үчүн семинар болуп өткөнүн билдирди.
Маалыматка караганда, семинарга Эмгек сиңирген мугалим, педагогика илимдеринин кандидаты Гапыр Мадаминов, “Биздин мурас” фондунун координатору, наватор педагог, эксперт Асылбек Жооданбеков жана ОшМУнун квалификацияны жогорулатуу борборунун директору, педагог Ташболот Жороев катышты.
«Урматтуу мугалимдер! Сиздердин талыкпас мээнетиңиздер, чыдамкайлыгыңыздар, жана жүрөгүңүздөрдү балага арнаган ак дил ниетиңиздер — өлкөбүздүн өнүгүүсүнө, бекем пайдубалына салынган улуу салым. Бул семинар сиздер үчүн жаңы дем, жаңы ыкма, жаңы көз караш алып келет деген ишенимдемин! Мындан ары да бул семинарларды улантабыз»,- деп жазды депутат.
