Бүгүн, 31-мартта Жогорку Кеңештин комитет жыйынында депутат Эльдар Сулайманов Бишкек шаары баш тартып жаткан троллейбустар эмнеге Ош шаарына берилип жатканына таң калганын билдирди.
Ош шаарынын вице-мэри Сонунбек Жунусбаев троллейбустарды экономдуу траспонттук каражат экенин айтты. «Троллейбус киреше алып келүүчү транспорттук каражат. Күнүнө 200 сомдук чыгым кылып, 4000 сом киреше алып келет. Автобуска салыштырмалуу троллейбус узак мөөнөткө иштеп берет. Мисалы Ош шаарында 50 жылдан бери иштеп келаткан троллейбустар бар», — деди Оштун вице-мэри.
Депутат Сулайманов «Анда Бишкек деле троллейбустарды иштете берсе болмок экен. 200 сом чыгым жасап, 4000 сом киреше алып келсе, ошого мен түшүнбөй жатам»,- деди. Ош мэриясы Бишкек шаарынан барган 100 троллейбуска линия тартууну, жаңы каттамдарды ачууну пландап жатканын билдирди.
