Бүгүн, 26-августта 20 жашка чейинки балбандар арасындагы Дүйнө чемпиондугунун алтын медаль ээси Жантөрө Мирзалиев Кыргызстанга кайтып келди. Бул тууралуу Спорт департаментинен билдиришти.
Дүйнө чемпионун “Манас” эл аралык аэропортунан Дене тарбия жана спорт мамлекеттик агенттигинин алдындагы Спорттун олимпиадалык түрлөрү боюнча дирекциясынын директору Мелис Тобокелов, Күрөш федерациясынын өкүлдөрү, спортчунун жакындары жана күйөрмандары тосуп алды.
Дүйнө чемпондугу 17-августтан 24-августка чейин Болгариянын Самоков шаарында өттү. Ал сегиз күнгө созулуп, алгач эркин күрөш, андан соң кыз-келиндер арасында күрөш, ал эми 24-августта грек-рим күрөшү менен жыйынтыкталган.
