Жакынкы күндөрү чет өлкөлүк номурлуу унааларды аныктоого багытталган ири рейддер пландалып жатканын ИИМдин Жол кыймылынын коопсуздугун камсыздоо башкы башкармалыгынын башчысынын орун басары Эмил Жакыпов 3-ноябрда билдирди.
Маалыматка ылайык, буга чейинки рейддерде 1000ден ашуун чет элдик номурлуу унаалар аныкталган.
«Бул унаалар камакка алынып, кайтарылбаса утилизацияланат», — деп белгиледи Жакыпов.
Ал эске салгандай, буга чейин президент Садыр Жапаровдун жарлыгы чыккан. Ага ылайык, өлкө аймагында мыйзамсыз жүргөн чет элдик номурлуу унаалардын ээлери 1-октябрга чейин он облустун биринен Кыргызстандын номурларын алышы керек болчу. Болбосо бул унаалар экспортко чыгарылып, тетиктер үчүн демонтаждалып же утилдештирилиши керек.
Кошумчалай кетсек, сөз 2024-жылдын 31-декабрына чейин өлкө аймагына киргизилген унаалар жөнүндө болуп жатат.
