Жогорку Кеңештин Эл аралык иштер боюнча комитетинин 14-апрелдеги жыйынында депутаттар Арсланбек Малиев менен Ырысбек Атажанов кайым-айтыша кетишти.
Комитет Кыргызстан менен Азия инфраструктуралык инвестиция банкынын ортосундагы суу менен камсыздоо жана канализацияга жалпыга жеткиликтүүлүк боюнча долбоор боюнча Кредиттик жана гранттык макулдашуулардын долбоорлорун карады.
Малиев Жети-Өгүз жана Тоң райондорунун бир катар айылдары ичүүчү суусуз калганын жана аларды долбоорго киргизүү зарылдыгын билдирди. Эгерде айылдар долбоорго кирбесе, мыйзам долбооруна каршы добуш берерин билдирди.
Атажанов белгилегендей, айылдарды таза суу менен камсыздоо иштери этап менен жүрүп жатат. Бүгүнкү күндө Талас, Кемин, Шопоковдо жүрүп жатат. «Силердин айылдар кирбей калса, эмнеге баары каршы болушу керек, Баткенде айылдар да кирбей калыптыр, баарыбыз күтүп жатабыз», — деди ал кесиптешине.
«Мага тийишпей, өзүңүз бере бериңиз»,- деди Малиев.
Атажанов: Антип айтпаңыз да анда.
Малиев: Буларга адвокат болбоңуз.
Атажанов: Адвокат болбой элем.
Малиев: Азыр эмне кылып жатасыз анда? Эмнеге менин атымды атап жатасыз?
Атажанов: «Колдобойбуз, күн тартибинен алып салыңыз» деп жатасыз.
Малиев: Мен колдобойм. Сиз колдой бериңиз. Мага тийишпеңиз.
Атажанов: Кирет деп айтты го.
Малиев: 4 жылдан кийин кирет экен, керекги жок мага.
