Эми милдеттүү медициналык камсыздандыруу боюнча камсыздандырылган 5,2 миллиондон ашык жаран кайсы кызматты акысыз жана жеткиликтүү экенинин “Түндүк” тиркемесинен биле алышат. Бул тууралуу бүгүн, 16-декабрда Министрлер кабинетинин башчысы дагы эки стратегиялык маанилүү багыттын жыйынтыгын чыгарган жыйында белгилүү болду.
Экинчи реформа, жеке ишкерлерди (ЖИ) кайра каттоо электрондук форматка өткөрүү болду. Буга чейин телефон номерин же электрондук почта дарегин өзгөртүү, экономикалык ишмердүүлүктүн түрүн кошуу же өзгөртүү, башка салык режимине өтүү же юридикалык даректи өзгөртүү – бул операциялардын баары кагаз түрүндө арыз берүүнү жана жеке барууну талап кылчу.
«Өкмөттүк акселераторлор» программасынын алкагында жеке ишкерлерди кайра каттоо боюнча негизги процедуралар «Салык төлөөчүнүн кабинети» аркылуу толугу менен онлайн форматка которулду», — деп белгиледи Адылбек Касымалиев.
