Президент Садыр Жапаров «Калктын жана ишкердик субъекттердин салыктык жүгүн азайтуу маселелери боюнча Кыргыз Республикасынын айрым мыйзам актыларына өзгөртүүлөрдү киргизүү жөнүндө» мыйзамга кол койду.
Мыйзам тарабынан бир катар салыктык жеңилдиктер каралган:
Салыктык карыздарды эсептен чыгаруу:• 2022-жылдын 1-январына чейинки салык мезгилиндеги салыктык карыздар;
• 2025-жылдын 1-январына чейинки мезгилдеги транспорт каражаттарына төлөнүүчү мүлк салыгы боюнча;
Салык жеңилдиктерин жана бошотууларды киргизүү:• транспорт салыгын жокко чыгаруу;
• айыл чарба жерлерине каралган салык жеңилдиктери;
• 2022-жылдын 1-январына чейинки салык мезгилине уюмду жоюуда жана жеке ишкердикти токтотууда пландан тышкаркы текшерүүлөрдү кошпогондо, салыктык текшерүүлөрдү жүргүзүүгө тыюу салуу;
• салыктык карызы бар салык жарандардын чет өлкөгө чыгуу жол-жобосун жөнөкөйлөтүү;
• соода иши менен алектенген жеке ишкерлер үчүн патенттик салык салуу системасын киргизүү.
• милдеттенмелерди аткаруунун жеңилдетилген режимин киргизүү, чегерилген салык санкциясын төлөөдөн толук же жарым-жартылай бошотуу, ошондой эле калдыктын толук суммасын төлөө мөөнөтүнө жараша туумдарды төлөө.
Бирдиктүү салык боюнча өзгөртүүлөр:• 0,5 % өлчөмүндөгү ставка менен иштеген соода субъекттери үчүн жылдык кирешенин босогосун 30 млн сомдон 50 млн сомго чейин көбөйтүү;
• зергер буюмдарын өндүрүүчүлөр жана сатуучулар үчүн 0,25% өлчөмүндөгү ставканы белгилөө;
• товарларды жеке маалыматтары көрсөтүлбөгөн субъекттерге сатууда 4% өлчөмүндөгү ставка;
• 0,1% жана 1% өлчөмүндөгү ставкаларды жоюу.
Төмөнкүлөрдүн дарегине товарларды сатууда сатуудан алынуучу салыктын ставкаларын белгилөө:• товарларды сатууда бирдиктүү салыкты (0% жана 0,5%) колдонгон жана патенттин негизинде иштеген субъекттерге:
• накталай эсептешүүдө – 2%;
• накталай эмес эсептешүүдө – 1%;
• жеке маалыматтары көрсөтүлбөгөн субъекттерге сатууда 2%ды түзөт.
Мындан тышкары, «салык төлөөчүнүн рейтинги» институту киргизилүүдө, ал салыктарды ак ниеттүү төлөөгө дем берүүгө жана атаандаштык чөйрөнү түзүүгө мүмкүндүк берет. Мыйзам бизнес үчүн жагымдуу чөйрөнү түзүүгө багытталган жана өлкөнүн экономикалык туруктуулугун жана өнүгүүсүн колдоого мүмкүндүк берет.
