Камчы Көлбаевдин сөөгү салынган деген унаа Бишкектин өлүкканасына барды. Алдын ала маалыматтар боюнча кримтөбөлдүн жакындары өлүкканага барышты. Буга чейин милиция кызматкерлери өлүккананы курчоого алган болчу.
Бүгүн, 4-октябрда саат 15:30 чамасында Бишкектин Ибраимов менен Кулатов көчөлөрүнүн кесилишинде жайгашкан «Блондер паб» ресторанында кримтөбөл Камчы Көлбаевдин кармоо операциясы жүрүп жатканы тууралуу маалыматтар чыкты. Соцтармакта кармоо операциясынын жүрүшүнөн ок атышуунун үндөрү угулган видеолор да тараган. УКМК анын өлтүрүлгөнүн тастыкташты.
