УКМК төрагасы Камчыбек Ташиев социалдык тармактагы баракчасына 12 жылдык билим берүү боюнча оюн жазды.
«Мен бүгүн өтө орчундуу болгон, эртеңки келечек муундун жана мамлекетибиздин тагдырына чейин кесепетин тийгизе турган маселеге ачык оюмду билдирейин деп чечтим. Бул маселе азыр коомдук талкууга чыгарылган билим берүү системасындагы мектеп окуу мөөнөтүн 12 жылга чейин узартуу боюнча жүргүзүлгөн аналитиканын негизинде жаралды. Менин жеке оюм боюнча бул туура эмес.
Эмне үчүн?
- Биздеги мектептеги билим берүү өтө начарлап кетти. Ушул түйшүктү чечмейинче, башка системага умтулуунун кереги жок.
- Жактоочулар «чет мамлекетке барып окууга ыңгайлуу болот» дешет. Статистиканы алып көргүлөчү. Болгону 3-5 пайыз гана бүтүрүүчү Европа, Америкага барып окушат экен. Калганы КМШ мамлекеттеринде жана өз өлкөбүздө эле жогорку билим алууну улантышат.
- Финансылык экономикалык жагынан да өтө көп зыянга учурап калабыз. 30 миңден ашык кошумча мугалим, 200дүн тегерегинде кошумча мектеп жана башка.
- Биз алдыңкы мектептерди жоюп, арткы мектептерге теңеп салдык. Бул да чоң көйгөй болду. Билим берүү боюнча негизинен эле айта турган болсок, биз өтө чоң кооптуу абалга бара жатабыз. Себеби жогорку окуу жайда окуу жөнөкөй эле акча төлөө, зачётканы толтуруу жана кимдир бирөөлөр үчүн байлык топтоо системасына айланды. Университеттерге окууга барбай эле миграцияда же чет өлкөлөрдө жүрүп эле диплом алгандар көбөйдү жана бул көрүнүш бардык жогорку окуу жайларда кездешип жатат. 200 студент диплом албаса да, таза жакшы эмгеги менен билим алган 20 студент диплом алса, мамлекет үчүн алда канча пайдалуу эмеспи!
Дагы бир жолу бардык жогорку окуу жайлардын жетекчилерине эскертем: Ар бир жогорку окуу жайды текшерүүгө жетишебиз. Жакынкы 2 жылда коррупциясы жок мамлекетке айланабыз. Баарыбыз чогуу аракет жасашыбыз керек», — деп жазды ал.
Туура чечим кылып жатасыз. Мектептеги ьалдар класстан аттап окуу бул ьалдардын, мугалимдерди кыйынчык туудураары баарыбызга белгилүү. Андан көрө ушул эле көнүп калган система менен окуу туура. Европаны туурап окутуу азыр биздин балдар ага даяр жмес экенин баарыбыз тушунуп турабыз. Жогорку окуу жайлар боюнча айткпн оюңузга толугу менен кошулам. Эң негизги окуу жайлардын бири медицина боюнча кыйын болуп калды.Саны көп, сапаты жок окуу жайларды жабыш керек.
Урматтуу Камчыбек Кыдыршаевич! Туура чечим жа сап жатасыз. Ьиздин ьалдар 12 жылдык окуу мөөнөтүнө даяр эмес экенин ьаарыбыз тушунуп жатабыз. Мугалимдерге дагы окуучуларга дагы түйшүк жаратат. Жогорку окуу жайлар боюнча дагы иуура айттыңыз. Саны бар, сапаты жок окуу жайлар көп болуп кетти. Өзгөчө медицина окуу жайы контрактын негизинде болуп кетти. Бул келечектеги дагырлердин ишениминен коркунуч жаратууда.
жаратууда.
Мындай чийки,бышпаган чала монгол мыйзамын билим берүү министири тануулабасын ,балдардын убалына калат жана бүтүндөй мамлекетке зыян келтирет ,шашкан шайтандын иши.Эмне үчүн окуучулар окубай туруп класстан класска аттайт, бул мүмкүн эмес орто жолдо аттап кетти дейли программадан артта калып көп нерсени билбей калып жатпайбы.Мугалимдер ,эне- аталар,
эл жана мамлекет чайналат.Канчалаган жаңы китептерди чыгарыш керек, мурдагы китептер чыкпай мектептерде китеп жетпей телефон менен өтүп отурушат мугалимдер.Бул мыйзамды токтотуш керек деп ойлоймун.Камчыбек. Ташиев жана депутат Талиева туптуура айтып жатышат көздөрү жетип турат.Депутаттар да туура мыйзам кабыл алат деп ойлоймун.Мен да жогорудагыларды колдоймун