Кыргыз футбол биримдигинин президенти Камчыбек Ташиев U-20 жаштар курамасынын оюнчулары, команданын машыктыруучулук жана административдик штабынын мүчөлөрү менен жолукту. Бул тууралуу Кыргыз футбол биримдигинен билдиришти.
Чогулушка КФБ жетекчилигинен КФБ Аткаруу комитетинин мүчөсү Аскар Салымбеков, башкы катчысы Медербек Сыдыков жана Жалал-Абад шаарынын «Барселона» футбол академиясынын президенти Айбек Алыбаев катышты.
Эскертсек, 2025-жылкы Азия Кубогуна даярдыгын улантуу үчүн 3-январдан тарта курамабыз Испаниянын Аликанте шаарында окуу-машыгуу жыйын өткөрөт. Машыгуулар «Pinatar» базасында орун алат.
