Дене тарбия жана спорт мамлекеттик агенттиги Жогорку Кеңештин депуттарынын көк бөрү оюнунуна тыюу салуу боюнча айткандарына жооп берди.
Алар кырсык болгон соң көк бөрү оюну убактылуу гана токтотулганын билдиришти. «Көк бөрү оюнуна толугу менен тыюу салынган эмес»,- дешти.
«Мамагенттик көк бөрү оюну кыргыз эли үчүн, маданияты жана каада-салттары үчүн чоң мааниге ээ экендигин түшүнөт, бирок спортчулардын ден соолугу жана коопсуздугу маанилүү деп эсептейт. Мамагенттик кабыл алынган чечимге түшүнүү менен мамиле кылууну жана бардык катышуучулардын коопсуздугун жана бакубаттуулугун камсыздоого багытталган чараларды колдоону өтүнөт. Жакынкы арада Мамагенттик көк бөрү федерациясы менен биргеликте кызматташуу келишимине кол коюу маселесин иштеп чыгат, анда жоопкерчилик тууралуу нормалар так жазылат. Мындан тышкары көк бөрү боюнча калыстарды жана оюнчуларды жаңы эрежелерге окутуу пландаштырылууда», — деп айтылат маалыматта.
Депутат Балбак Түлөбаев Жогорку Кеңештин жыйынында көк бөрүчүнүн өлүмүнөн кийин оюнду жок кылууга аракет кылган күчтөр бар экенин айткан.
