Кечээ, 10-декабрда 10-декабрда Кыргызстандын Конституциялык соту жаш балдарды жана аялдарды зордуктагандарга карата өлүм жазасын калыбына келтирүү боюнча Конституцияга өзгөртүүлөрдү киргизүү боюнча мыйзам долбооруна корутунду берүү боюнча президенттин сунушун карады.
Жыйында: “Бул сунуш Конституциянын фундаменталдык принциптерине жана өлкөнүн эл аралык милдеттенмелерине карама-каршы келет. Ошондуктан референдумга чыгарылышы мүмкүн эмес жана бардык этаптарда токтотулушу керек”, — деген бүтүм чыгарылды.
Анда сот эл аралык укуктук аспектиге өзгөчө көңүл бурган. Кыргызстан Жарандык жана саясий укуктар жөнүндө эл аралык пакттын экинчи факультативдик протоколунун катышуучусу болуп саналат. Анда өлүм жазасын толук жана биротоло жоюу каралган жана аны алып салуу механизми камтылбайт.
Демек, мамлекет эч кандай шартта өлүм жазасын калыбына келтире албайт. Аны улуттук мыйзамдарга кайра киргизүү аракети эл аралык келишимдерди бузуу болуп саналат.
Жогорудагы аргументтердин баарын эске алып, Конституциялык сот Кыргызстанда өлүм жазасын калыбына келтирүү мыйзамдык жактан мүмкүн эмес жана конституциялык жактан жол берилбейт деген чечим чыгарды.
