Таалайбек Дорбунов менен Жазгүл Капашова Чүйдөгү айылдардын биринде балдары менен жашашат. Каармандарыбыз бир уулу психикалык оору менен жабыркаарын айтышты.
“Балабызды дарыгерлерге да, дин ишмерлерине да көрсөттүк. Натыйжа болбой жатат. Өзүнө ээ боло албай калган абалда бизге бычак, балта шилтеп коркутат. 1 ай мурда үйүбүзгө өрт коюп, учурда боз үйдө жашап жатабыз” дешти алар. Буга байланыштуу үй-бүлө элдин колдоосуна муктаж.
Жардам берүүнү каалагандар үчүн реквизиттер: Мбанк: 0500 40 22 88 СБЕРБАНК: +7 980 3951721, 5228 6005 9319 8155 (Улукбек).
«Өзүнө келгенде «Мен эмнеге өрттөдүм?» деп сүйлөдү. Азыр коңшулардын балдары коркуп качып жатат. Өзүм көз салып турам. Бизди көргөндө балдар эмес, чоңдор деле коркот. Мен деле корком. Кээде өзүнө келип калат. Үйгө 2-апрелде өрт койгон. Ошондон кийин мен да депрессияда жүрүп калдым. Уулум 20 күн дарыланды.
Үйдүн ичинде эмне болсо, ошонун баары күйүп кетти. Болгону үйдүн, өзүбүздүн документтерди алганга жетиштим. Азыр боз үй тигип, жашап жатабыз. Эл кийим алып келип беришти», — деди ал.
