Текшерүүнүн жүрүшүндө видеодогу жаран аныкталган. Ал Ысык-Көл районунун Чолпон-Ата шаарынын 1991-жылы туулган тургуну болгон. Өз көрсөтмөсүндө Бангладеш Республикасынын жараны ушул жылдын 14-декабрь күнү Чолпон-Ата шаарында жайгашкан ашканасына жумушка орношуп, анын үйүндө жашап, иштеп жүргөнүн билдирген. Анын айтымында, 23-декабрь күнү 12 миң 800 сом иш акысын алган. Ал эми 24-декабрь күнү эртең менен болжол менен 8 килограмм уй этин алып, үй ээсине билдирбестен, белгисиз тарапка чыгып кеткен. Аталган жагдайдан улам, жаран окуянын чоо-жайын тактоо максатында унаасы менен артынан издеп чыгып, Чырпыкты айылынан таап, макулдашууга ылайык жумушун аягына чейин аткаруусун талап кылып, аны унаасына салып үйүнө алып барууга аракет кылганын билдирген. Бирок бул аракет ишке ашпай, 8 килограмм уй этин кайтарып алып, Бангладеш Республикасынын жаранын ошол жерде калтырып кеткенин, ал эми чет өлкөлүк жаран Бишкек шаарын көздөй жол тосуп кеткенин маалымдаган.
Учурда Бангладеш Республикасынын жаранынын жүргөн жерин аныктоо максатында тиешелүү кызматкерлерге тапшырмалар берилип, текшерүү иш-чаралары уланууда.
