20-апрелден тартып Курманжан Датка көчөсүнүн Чүй проспектисинен Уркуя Салиева көчөсүнө чейинки бөлүгүндө жылуулук тармагын реконструкциялоо иштери менен жол катмарын реабилитациялоо башталат. Бул тууралуу Бишкек мэриясынан билдиришти.
Курманжан Датка көчөсүндөгү реконструкциялоонун биринчи бөлүгү Чүй проспектисинен Фрунзе көчөсүнө чейин созулат. Магистралдык жылуулук тармагынын аралыгы 580 метр, түтүктөрдүн диаметри 700 мм. Бул тармак 1984-жылдан бери иштеп келе жатат жана өзүнүн ченемдик мөөнөтүн (41 жыл) аткарган.
Жылуулук тармагынын экинчи бөлүгү-Курманжан Датка көчөсүндө Фрунзе көчөсүнөн Уркуя Салиева көчөсүнө чейин жүргүзүлөт. Бул аймактын узундугу 340 метр, түтүктөрдүн диаметри 426 мм. Тармактын бул бөлүгү да 1984-жылы ишке киргизилген жана тез арада алмаштырууга муктаж болуп жаткан авариялык абалда.
Жумуштар Курманжан Датка көчөсүн Чүй проспектисинен Уркуя Салиева көчөсүнө чейин толук жабылып жүргүзүлөт.
Буга байланыштуу автобус каттамдарынын схемалары убактылуу өзгөртүлөт:
— №34 автобус каттамы төмөнкү маршрут боюнча жүрөт: Курманжан Датка көчөсү — Жибек-Жолу проспектиси — Ибраимов көчөсү — Чүй проспектиси;
— №35, №45 жана №254 автобус каттамдары: Жибек-Жолу проспектиси — Лермонтов көчөсү — Чүй проспектиси боюнча жүрөт;
-169 автобус каттамы Фрунзе — Гоголь — Чүй проспектилери боюнча багытталат;
— №51 автобус каттамы Курманжан Датка — Салиева — Гоголь — Чүй көчөлөрү боюнча жүрөт;
— №8Т, №48, №100 жана №101 автобус каттамдары Курманжан Датка — У. Салиева — Суюмбаев — Чүй көчөлөрү боюнча жүрөт;
— №104 жана №146 автобус каттамдары Фрунзе — Суюмбаев — Чүй проспектилери боюнча багытталат;
— №175 автобус каттамы Жибек-Жолу проспектиси — Суюмбаев көчөсү — Чүй проспектиси боюнча жүрөт.
Урматтуу шаар тургундары, айдоочулар жана борбордун коноктору! Бишкек шаарынын мэриясы убактылуу ыңгайсыздыктарга түшүнүү менен мамиле кылууну жана жол тыгындарын болтурбоо үчүн өз каттамыңызды алдын ала пландаштырууну, ошондой эле жеке унаанын ордуна коомдук транспортту пайдаланууну сунуштайт.
