«Бизде азыркы убакта обончу-композиторлор менен акындарыбыздын бир тобу гимн жазуу менен алек болуп жаткан убак. Мен да өз оюмду айтпай коё албадым. Мисалга алсак, мен башынан эле жазганга аракет кылган жокмун. Себеби азыркы гимнибизден артык гим жазгандар болушу мүмкүн. Бирок кээ бир билээрмандар айткандай музыкага шыгы жок жарандарыбыз да ырдай ала турган оңой жана уккулуктуу кооз гимн жазууга мүмкүн эмес деп эсептейм. Мындан да татаал, кооз жазыш керек болсо бир жөн. Өткөндө кайсы бир телеканалдан Түгөлбай Казаков агайыбыздын «Куштар үркүп учуп кетиптир, элдин көбүнүн, менин да үнүм жетпейт экен» деген маегин көрүп, агайдын бул жолку оюна кошула алган жокмун. Менин оюмча жаңы гимнди ким жазса да, Калый Молдобасанов менен Насыр Давлесовдон ашыра жазуу кыйын. Элдин баарына жакчудай кылып жазуу андан да кыйын. Музыкалык шыгы, угуусу жок кишилерден өйдө ырдай ала турган гимндин деңгээли мындан жакшы болоорун элестете да албай койдум. Азыркы гимнибиздин профессионалдык деңгээли, обонунун көркөмдүгү, кыргызча колориттүүлүгү, гармониясы, аккорддору, оркестровкасы, сөздөрү да бүт жогорку деңгээлде! Бир убакта сөзүнө да асылгандар болду эле: «бей», «кут» деген «куту жок» деген түшунүк деп. Сөздүн баарын бөлө берсек, уят сөздөр жайнап кетпейби. Анда «бейпил» деген да сөз бар. Ошондо эмне, ал сөз «пили жок» деген сөз болуп калабы? Ал жерде пилдин эмне тиешеси бар? Ушинте эле бергендин эмне кереги бар бизге?
Мисалы: Советтер союзунун гимниндей жакшы гимн жок үчүн Орусия союз тараары менен өздөрүнүн гимнин таштап, ошол союздун гимнинин сөзүн которуп ырдап алышты. Биздин гимн да көп мамлекеттин гимндеринен алда кайда жогору турат! Гимнге ошол гимн ырдалган жердеги биздин жарандар сөзсүз эле бир жерин калтырбай кошо ырдашы керек эмес да… Жөн гана кошулуп турса болот го дейм?… Билгени ырдаса, билбегенин эч ким кыйнаган жок да? Үнүбүз жетпесе, жеткендер ырдасын, жандуу ырдап жаттык беле?.. Дүйнөдөгү жакшы гимндин баары татаал, диапазондору кең, кооз, уккулуктуу го?… Сонун гимнибиз турса, музыкалык шыгы жоктор ырдай ала турган «мыйты-муйту» деген гимнди ырдап калабызбы?» — деп жазылат билдирүүдө.
Туура эле агай ГИМН биздин каныбызга,журогубузго,кулагыбызга синди мындан башка Гимнди жазып чыгып калса, кудай сактасын, конуп ,ошону журокко синириш элди кондуруш оор .Дуйнолук денгээлде элдин тарыхын берешен кучтуу жана кооз жерибиз бар экендигин тушундургон создору музыкасы эле канча .Гимн озгорулгону каршымын эмне учун озгоруу киргизгенге шашасынар башка эле нерсени озгорткулочу