УКМК төрагасы Камчыбек Ташиев тажик тарап чек арадан чыгып, анклавдын 19 миң гектар жерин колдонуп келгенин, сүйлөшүүлөрдөн кийин аларга 14,5 миң гектар жер калганын айтты.
“Тажик тараптын суранычы боюнча Ворух анклавынын айланасынан тажик тарапка миң гектар жайыт жер берилип, анын ордуна Чоң-Алай районунун Караганды-Сай участогунан бизге миң гектар жер жайыт алынды”, — деди Ташиев.
УКМК төрагасы тажик тарап Ворух анклавынан 5 миң гектар жайыт сураганын, бирок кыргыз тарап анклав чоңоюп кетет деп, миң гектар эле бергенин белгиледи.
