Жогорку Кеңештин депутаты Жанар Акаев «Бир кездери биз кантип кесиптик билим берүүнү өнүктүрөбүз деп ушул маселенин үстүндө бир топ баш оорутканбыз» деп бул тармактын маанилүүлүгүн белгиледи.
Экинчи улуттук чемпионат 18 жаштан 22 жашка чейинки курактагы жаш адистерге жана студенттерге үч негизги багыт: «ширетүү технологиясы», «ашпозчулук» жана «мода технологиясы» боюнча кесиптик чеберчилигин көрсөтүүгө уникалдуу мүмкүнчүлүк берет.
Кыргызстан 2023-жылы WorldSkills International улуттук чемпионатынын мүчөсү болгон, ал эми 2024-жылы Францияда өткөн эл аралык мелдештерде биринчи улуттук чемпионаттын жеңүүчүлөрү өлкөнүн атын чыгарышкан. WorldSkills International 89 өлкөнү бириктирип, IT, курулуш, ашпозчулук жана моданы камтыган 60тан ашуун адистиктер боюнча чемпионаттарды өткөрөт.
