Биздин “Тагдыр” берүүбүздүн бул жолку каарманы Бишкек шаарынын тургуну 43 жаштагы Наргиза Сармурзаева. 2 баланын энеси борбор калаадагы унаа жуучу жайларда иштеп, жан багарын айтат. Туруктуу жашаган жери болбогондугуна байланыштуу, иштеген жерлеринде түнөп, атүгүл сейил бактарда жатып калган күндөр көп эле болот дейт Сармурзаева.
“Колумдан келген аракетимди жасап келдим, бирок жашоом оңолмок тургай, карызга батып, ден соолугум начарлап жатканы өкүндүрөт” деген каарманыбыздын баяны видеодо.
Жардам берүүнү каалагандар үчүн номер: Мбанк: 0500 40 22 88
«Өйдө-ылдый болгон турмушка жеңилип калдым окшойт. Мен академиядагы окууну бүтпөй калгам. 2 балам бар. Жолдошум менен ажырашканда балдарды өзүмдүн атыма жаздырып алгам.
Балдарды багам деп унаа жууп иштейм. Жей турган тамагыбыз жок, кызым экөөбүз түнү менен сейил бакта түнөдүк. Бири-бирибизди кайтарып, уктап жаттык. Азыр жашоом ушундай болуп жатат», — деди ал.
