2024-жылы аймактардагы бардык маданият тармагындагылардын кийим-кечеги жаңыланды. Үн күчөткүч аппараттар жаңыланды. Бул тууралуу Маданият министри Алтынбек Максутов жылдын жыйынтыгы тууралуу билдирүүдө айтты.
Анын айтымында, 446 миллион сомго заманбап техникалар сатып алынып, маданият мекемелеринин жабдуулары жаңыланган. Тарыхый мурастарды сактоого 585 миллион сом бөлүнүп, археологиялык казуулар жүргүзүлгөн.
«Спорт тармагында 16 спортчубуз ийгиликтерге жетип, өлкөбүздүн намысын коргоду. Жаштар саясаты боюнча жаңы программалар ишке ашырылууда, кино тармагында бюджет 38 пайыз көбөйтүлдү. Сериалдарды тартуу да ишканасы ачылды. Андан тышкары, Манас театры ачылып, Изибаев атындагы цирк капиталдык ремонттон өткөрүлдү», — деди министр.
