«Бишкек жылуулук тармагы» муниципалдык ишканасы декабрь айында жылытуу жана ысык суу үчүн эсептелген суммалар ноябрь айына караганда жогору экенин билдирди.
«Бул жылуулук берүү мезгилинде абанын температурасына жараша 5 айга бирдей бөлүнбөстүгү менен байланыштуу. Мисалы, ноябрь айында жалпы бир жылдык жылуулуктун көлөмүнөн 17 пайыз бөлүнөт,
* Декабрь айында — 22%,
* Январь айында — 25%,
* Февраль айында — 20%,
* Март айында — 16%.
Декабрь айында орточо абанын температурасы нормадан төмөн болуп, -2,1 °С (норма -1,1 °С) түзсө, ноябрь айында ал нормадан жогору болгон: +6,5 °С (норма +3,8 °С). Буга байланыштуу жылуулукту керектөө көбөйөт, ал квитанциядагы суммаларга таасирин тийгизет. Эсептөөлөр жылуулук энергиясын эсептөө методикасы боюнча жүргүзүлөт. Ай сайын эсептелген сумма абанын орточо айлык температурасына түздөн-түз байланыштуу болот, аны Кыргыз Республикасынын гидрометеорологиялык кызматы камсыз кылат. Жылытууда ошол канчалык суук болсо, эсептелген сумма ошончолук жогору болот. Мындан тышкары, 1-сентябрдан тартып жылуулук энергиясынын тарифтери жогорулатылды. Тариф 25 пайызга, тагыраагы, 1 гигакалория үчүн 1 248 сомдун ордуна 1 560 сом болуп көбөйгөн. Көрсөтүлгөн сумманы батирлеринин аянты 80 чарчы метрден ашпаган абоненттер төлөй турган болгон. Эгер батир мындан чоң болсо, чектен ашкан ар бир чарчы метр үчүн жылуулуктун гигакалориясы 5998,17 сомдон эсептелет«, — деп айтылат маалыматта.
