Бишкек шаардык милициясы маалымат таратып, алдамчылыктын жаңы схемалары тууралуу эскертти.
«Алдамчылар кылмыштуу аракеттердин жаңы түрлөрүн пайдаланып, ИИМ, банк же УКМК кызматкери катары өзүн тааныштырып, камакка алуу же кылмыш ишин козголот деген шылтоо менен жарандардын акча каражаттарын талап кылып коркутушу мүмкүн. Биз жарандарды мындай чалууларга ишенбөөгө жана расмий мекемелерге байланыш номур аркылуу байланышып, маалыматты ар дайым текшерип турууга чакырабыз», — деп айтылат маалыматта.
Сиздерге төмөнкү маалыматтарды билип алууну сунуштайбыз:
1. Телефон аркылуу жеке маалыматтарыңызды, сыр сөздөрүңүздү же карта номурларын бербеңиз.
2. Шектүү чалуулар болсо, сүйлөшүүнү токтотуп, укук коргоо органдарына кайрылыңыз.
3. Күмөн санаган учурда банктын колдоо кызматына кайрылыңыз же болбосо дароо «102» номуруна кабарлаңыз.
