Нью-Йорктун соту «Центерранын» Кыргыз Республикасына санкция жана айып салуу өтүнүчүн канааттандырган жок. Бул тууралуу «Кумтөр Голд Компани» ишканасынан билдиришти.
Маалыматка караганда, кечээ, 15-сентябрда «Центерранын» өтүнүчтөрүн кароо боюнча угуу өткөрүлгөн, анын ичинде Кыргыз Республикасына суткасына 1 миллион доллар өлчөмүндө санкциялар киргизүү да каралган.
«Сот «Центерранын» жүйөлөрүн жана Кыргызстанга санкцияларды киргизүү өтүнүчүн четке кагып, соттун юрисдикциясына кыргыз тарап даттанган деген негизде четке какты. Ошондой эле, сот Кыргыз Республикасынын жеке юрисдикциясын ырастаган эмес жана болжолдонгон аракеттердин бири дагы «автоматтык түрдө токтотуу» жөнүндө мурунку соттун чечимин бузбайт», — деп айтылат билдирүүдө.
«Кумтөрдүн» басма сөз кызматы белгилегендей, сот Кыргыз Республикасынын бир дагы аракети автоматтык түрдө токтотууну бузуу деп тапкан жок, анткени убактылуу тышкы башкарууну узартуу статус-квонун уландысы жана документтерди кийинкиге калтыруу жана талап кылуу болгон. Кыргыз Республикасынын соттору тарабынан иштин маңызы боюнча чечим болгон эмес. «Кылмыш иликтөө тиешелүү өзгөчөлүктөргө негизделет жана келишимдерди жокко чыгаруу ыктымалдуулугу Нью-Йорктун соту тарабынан автоматтык түрдө токтотууну реалдуу, практикалык түрдө бузууга чейин жеткен жок», — деп билдиришти компаниядан.
