Орусия Илимдер академиясынын Физика институтунун рентген-күн астрономиясы лабораториясынын сайтындагы маалыматтарга караганда, 9-январдын кечинде Күндүн бетинде катуу жарылуу болгон.
Институт тарабынан берилген графикке ылайык жарылуунун очогу Москва убактысы боюнча 21:37де башталганын көрсөтүп турат. Саат 21:50дө туу чокусуна жетип, 21:57де толугу менен бүткөн. Бул бир күн ичиндеги он бешинчи жарылуу болгон. Жалпы 16 жарылуу катталган.
Жарылуу жерде магниттик бороон-чапкындарды жаратып, натыйжада энергетикалык системалардын ишин үзгүлтүккө учуратып, канаттуулардын жана жаныбарлардын миграциялык жолдоруна таасирин тийгизиши мүмкүн. Жарылуу адамдарга зыян келтире албайт.
