7-апрелде “Жашыл мурас” улуттук өнөктүгүн улай Өзгөндүн мурдагы акими, жеке ишкер Болот Дыйканбаев жана экс-депутат Орозайым Нарматова “Көчөткө көчөт” деп аталган жарышка старт беришти. Алгачкы саамалык Ош облусунун Өзгөн районуна караштуу Чаңгет айыл өкмөтүндөгү тоо койнунда жайгашкан алыскы айылында өттү.
«Кээ бир адамдар бар, какайган терекке окшоп түптүз эле тура берет же көлөкөсүн бербейт же мөмөсүн бербейт. Көлөкөбүз тийип, мөмө берип, шамал болгондо ийилип, сынып калбай, коомго дагы, табиятка да керектүү мөмөлүү дарак бололу. Алдыда ушул көчөттүн мөмөсүн чогуу жейли»,- деди Орозайым Нарматова.
