Кыргызстандын Орусиядагы элчилиги 25-апрелде Комсомольск-на-Амуре шаарында жол кырсыгынан жабыркаган 2004-жылы туулган кыргызстандык студенттери боюнча маалымат берди.
Аталган жарандар Комсомольск-на-Амуре шаарынын №7 шаардык ооруканасында дарылануусун улантып жатышат.
«Владивосток шаарындагы элчиликтин канцеляриясы жана Кыргызстандын Хабаровск крайындагы Ардактуу консулу аталган жарандар жана алардын жакындары менен байланышта болууда. Буга чейин кабарланган — абалы оор болуп жаткан жарандын абалы бүгүнкү күнгө карата турукташты. Азыркы учурга карата, эки жарандын тең абалы туруктуу.
Комсомольск-на-Амуре шаарында учуп барышкан жакындары (биринин таятасы , экинчисинин эжеси) менен Ардактуу консулдук тыгыз байланышта болуп, аларга тиешелүү көмөк көрсөтүүдө»,- деп айтылат маалыматта.
