Ошто милиция акыркы күндөрү шаар ичиндеги дубалдарда пайда болгон шектүү электрондук даректерди өчүрдү. Бул электрондук даректер аркылуу Орусиянын аймагына мыйзамсыз иштерге тартуу аракет жүрүп жаткандыгын Ош ШИИБ эскертет.
«Жазууну буюртма бергендер Орусиянын аймагынан, ал эми аткаруучулар жергиликтүү тургундар болуп жатат. Жазууларды жазган адамдарды аныктоо боюнча тиешелүү иштер жүрүп жатат. Бул азгырыкка азгырылбоону, мындай жумуштардын келечеги жок экендигин элибизге эскертебиз!» — деп жазылат билдирүүдө.
Милиция мындай жазууну көргөндөргө «102» кызматы аркылуу билдирип коюуну суранат.
