Буга чейин социалдык тармактарда «милиция 12 жаштагы баланы кармап кетти» деген видео жарыяланган.
Ош ОИИБден окуя тууралуу маалымат беришти. Маалыматка караганда, 21-март күнү Өзгөн РИИБдин кызматкерлери тарабынан «Өспүрүм түн», «Укук тартип» аталышында рейддик иш-чара өткөн.
«Анда кызматкерлер ар кандай укук бузуу, кокустуктардын алдын алуу максатында түнкүсүн ата-энесинин коштоосу жок, өз алдынча жүргөн өспүрүмдөрдү аныктоо боюнча иш алып барышкан. Видеодогу өспүрүм дагы өз алдынча дүкөндө соода кылып жатканы аныкталган, андан кийин кызматкерлер ата-энесинин чакыртып, атасы келип, өздүгүн тастыктагандан кийин түшүндүрүү иштерин жүргүзүшүп, өспүрүмдү атасына беришкен», — деп айтылат маалыматта.
