Кыргызстанда 21-июлда саат 11:38де күчү 4 баллга жеткен жер титирөө катталды.
Сейсмология институтунун маалыматы боюнча, жер титирөөнүн очогу Куршаб айылынан 10 чакырым түндүк-чыгышта, Жалал-Абад шаарынан 43 чакырым түндүк-чыгышта жайгашкан.
Жер титирөөнүн күчү Кеңеш, Пор айылдарында 4 баллга, Куршаб, Мырза-Арык, Кароол, Шералы, Социализм, Чымбай, Курбу-Таш, Бакмал айылдарында 3,5 баллга, Мырза-Аке, Большевик, Кара-Дыйкан, Жаңы-Арык, Сары-Колот, Үч-Каптал, Өзгөн шаарында 3 баллга чейин сезилген.
