Бүгүн, 23-июнда Ош шаарынын мэри Жеңишбек Токторбаев «Кунлунь” курулуш компаниясынын директорлор кеңешинин төрагасы Ван Чиан баштаган делегациялык топту кабыл алып, эки тараптуу кызматташуу боюнча меморандумга кол коюшту.
Ага ылайык, алдыда Кытай компаниясы Ош шаарынын мэриясына Кызыл-Кыштак айылдык аймактык башкармалыгына караштуу жер тилкесине 520 үй куруп берет. Бул үйлөр шаардагы турак үйлөрү башкы планга ылайык жолду кеңейтүүдө, каналдардын жээгин ачууда башка жака көчүрүлө турган жарандарга берилет.
«Кечээ Минкаб төрагасынын орун басары Камчыбек Ташиев менен жолугуп силердин компания тууралуу маалымат бердим. Бул конушту «Эки дос» деп атайлы деп айттым. Эки мамлекеттин ортосундагы достук өлкө башчыларынын эмгеги деп ойлойм«, — деген Жеңишбек Токторбаев.
