Ош шаарынын мэри таңкы рейдде жүрүп, алдынан баланы жолуктуруп калып, «мал айдап келе жатасыңбы?» деп суроо салган.
Бала малы жок экенин, акыркы бир койду да сатууга туура келгенин айткан. Анда мэр балага «Атаң экөөң мага кел. Экөөңө 1 бодо малга жана 5 койго акча берем, бирок күзүндө акчаны кайтарып бересиңер» деген сунуш айткан.
«Атаң экөөңө акча берем, 1 мал, 5 кой алып койгула. Күздө менин акчамды кайтарып бересиңер. Муну бизнес деп коёт. Уулум мен эми «крутой» эмесмин. Мал аласың, күзгө чейин акчаны айлантасың, күздө акчаны кайтарып бересиң. Сүт бере турган мал канча турат экенин билесиң жана 5 кой аласың», — деди мэр. Бала макул болду.
