Ош шаарында жүзүн жашырып жүргөн жарандарга карата рейддик иш-чаралар жүргүзүлүүдө. Бул тууралуу Ош ШИИБден билдиришти.
Ош шаардык ички иштер башкармалыгы тарабынан жүзүн жашырып жүргөн жарандарга карата түшүндүрүү жана алдын алуу иштерин жүргүзүүгө багытталган рейддик иш-чаралар башталды. Иш-чаранын алкагында милиция кызматкерлери жана дин өкүлдөрү менен биргеликте шаар аймагын кыдырышып, жарандарга жүзүн жабууга жана никаб кийүүгө байланыштуу мыйзамдагы талаптарды түшүндүрүп, аларды мыйзамга баш ийүүгө чакырып жатышат.
Ошондой эле, Ош ШИИБдин башчысынын орун басары, милициянын подполковниги Кожобек Козубаев кызматкерлерге түшүндүрүү иштерин туура жүргүзүүнү, жарандарга мыйзамды жай түшүндүрүп берүүнү жана профилактикалык чараларды күчөтүүнү тапшырды.
