“Оу» деп келинчегиңе айтасың” деп интернетте ар бир сөзү трендге айланып жаткан Оштун мэри Жеңишбек Токторбаевдин видеолорун тартып жүргөн операторлору менен маектештик. “Башында чуркагыбыз келбей жүрсө, эми чуркап көнүп калдык, ар бир чыккан материалдарыбызга жакындарыбыз хит болуп жатасыңар дешет. Анан дагы сүйлөп жатканда оу дегенден коркуп калдык”,- дейт алар.
«Чуркаганда кыйналбайбыз. Көнүп калдык. Колуңа камераны аласың дагы, видео жакшы чыгыш үчүн кете беребиз. Өйдөгө чыгуу бир аз кыйын болот. «Бүгүн чуркабай эле койсок болот эле, ансыз деле иш көп» деп ойлонгон учурлар болот. Бирок биздин милдетибиз. Аткарып жатабыз»,— деди Амангелди Атазаков.
«Жазда чуркайбыз, жигиттер» деп айткан. Бирок жаз чыкпай чуркап салдык. Жазга 4-5 күн бар болчу. Күтүүсүз болду. Негизи көп эле чуркап жатканбыз, бирок аны бербей эле болчубуз«,- деди Жылдызбек Болотбеков.
