Президент Садыр Жапаров бүгүн, 7-январда кыргызстандыктарды Рождество майрамы менен куттуктады.

Мамлекет башчысынын куттуктоосунун тексти:

«Урматтуу Кыргыз Республикасынын жарандары! Урматтуу христиандар! Сиздерди жарыктын, үмүттүн жана сүйүүнүн символу болгон Рождество майрамы менен чын жүрөктөн куттуктайм!

Бул улуу майрам мээримдүүлүктүн, боорукердиктин, жакыныбызга кам көрүүнүн жана коомдогу тынчтык жана ынтымак үчүн ар бирибиз жооптуу экенибизди эсибизге салат. Рождество дүйнө жүзү боюнча миллиондогон адамдарды жакшылыкка, биримдикке жана адилеттүүлүккө сыйынат.

Кыргызстан өзүнүн көп кылымдык тарыхы, көп улуттуу элдердин достугу, салты менен сыймыктанат. Биздин өлкө өз ара урматтоо жана достук рухунда жашаган ар түрдүү маданияттардын жана диндердин өкүлдөрүнүн мекени. Бул гармония биздин жалпы байлыгыбыз, аны сактоого, баалоого жана кийинки муундарга өткөрүп берүүгө милдеттүүбүз. Бул салтанаттуу күнү биз, айрыкча, биздин коомдун өнүгүшүнө православ коомчулугунун маанилүү салымын белгилеп кетким келет. Сиздердин эмгегиңиз, руханий кызматыңыз, жакшылыкка жана жаратмандыкка умтулууңуз бийик идеалдарга берилгендиктин ачык мисалы болуп саналат.

Рождествонун жарыгы жүрөгүңүздү кубанычка жана илхамга толтуруп, үйүңүзгө тынчтык жана бакубатчылык алып келсин. Ар бирибиз муктаж болгондорго таяныч болууга, айланабыздагылар менен жылуулук жана жарык бөлүшүүгө күч жана каалоо табалы. Сизге чың ден-соолук, Жан дүйнөңүздүн тынчтыгы жана бакыт-таалай каалайм. Жаңы жыл сизге жана үй-бүлөңүзгө кубаныч, ийгилик жана бакубатчылык алып келсин!».