Кыргыз улуттук филармониясында өткөрүлгөн ыр кечени Жогорку Кеңештин төрагасы Нурланбек Шакиев демилгелеп, керектүү каражатты резервдик фондунан бөлүп берген. Бул тууралуу парламенттен маалымдашты.
Иш-чарада акындын сөзүнө жазылган чыгармалар аткарылып, ырлары көркөм окулду. Андан соң Нурланбек Шакиев сөз сүйлөп, акындын өмүр жолуна токтолду. «Зайырбек Ажыматов Алыкул Осмонов, Сүйүнбай Эралиев, Омор Султанов өңдүү залкарлардын жолун улаган улуу акын. Балким тирүүсүндө баалабадык, татыктуу сый көрсөтө албадык. Бирок ал өзүнө чыгармачылыктын бийик мунарасын куруп кетти. Андыктан, көзү өтсө да, ыр сүйгөн кыргыз элинин эсинде түбөлүккө жашай берет», — деди. Ошондой эле Зайырбек Ажыматовдун көзү тирүүсүндө «Нөлү көп жылдар» аталышындагы эмгегине демөөрчү таап, чыгарууга көмөктөшкөнүн айткан Нурланбек Шакиев: «Ал чыгармачылык менен гана алектенип, башка дүйнөгө жутунбаган, сезимтал акын эле», — деп эскерди.
Андан тышкары, акындын жакын досу, депутат Мирлан Самыйкожо, маданият, маалымат, спорт жана жаштар саясаты министринин орун басары Кайрат Иманалиев баштаган жетекчилер, замандаштары жана маданият өкүлдөрү сөз сүйлөштү. Ыр кеченин соңунда жаңы эле негизделген Зайырбек Ажыматов атындагы фонд тарабынан жаш акындар Айзат Кудайберди кызына, Улукбек Омокеевге жана журналист Нурболот Азаматка «Зайырбек Ажыматов» атындагы адабий сыйлыктар ыйгарылды.
«Жалгыздык”, “Мелмил”, “Нөлү көп жылдар” аттуу ыр жыйнактарынын автору Зайырбек Ажыматов 2020-жылы 44 жашында дүйнө салган.
Ноокат районунун Кулатов айыл аймагында 30-июнь күнү Көк-Жар – Абшыр-Ата унаа жолунун 8-чакырымындагы көпүрө селден улам жараксыз абалга келген. Натыйжада...
Чүйдө 2005-жылы туулган Ишенбекова Айша Эркиновна дайынсыз болуп, изделип жатат. Бул тууралуу Чүй ОИИБден билдиришти. Маалыматка караганда, ал 19-июнда Кировское...
Сейсмология институтунун маалыматына ылайык, 1-июль күнү таңкы саат 07:49да өлкө аймагында очогунда күчү 3,5 баллга жеткен жер титирөө катталды. Бул...
Кыргызстанда каза болгон казакстандык 4 баланын сөөгү мекенине Казакстандын Усть-Каменогорск шаарына жеткирилгенин Tengrinews.kz басылмасы Чыгыш Казакстан облусунун акимчилигине шилтеме берүү...