Учурда социалдык тармактарда «Эмгек министрлигинен 25 миң сом жөлөк пул алса болот» деген маалымат тарап жатат. Буга байланыштуу СЕРЕП МЕДИА маалымат агенттиги Эмгек министрлигине кайрылганыбызда, бул фейк маалымат экендигин билдиришти.
«Эмгек, социалдык камсыздоо жана миграция министрлиги кыргызстандыктардан жөлөк пулду жогорулатуу тууралуу социалдык тармактарда тараган фейктерге ишенбөөнү өтүнөт. Сураныч, жогорулатылган жөлөкпул тууралуу шилтемени ачпаңыздар. Бул фейк маалымат. Ошентип, шылуундар сиздин эсептериңизге же жеке маалыматтарыңызга кирүүгө аракет кылышы мүмкүн. Министрликтин бардык расмий маалыматтары ведомствонун сайтында, социалдык тармактардагы жана ЖМКлардагы расмий баракчаларында жайгаштырылат. Бул учурда расмий маалымат тиешелүү жарлыктарга шилтемелер менен коштолот», — деп айтылат маалыматта.
