СИЗО-1де камакта жаткан адам ооруканада каза болду. Маалыматты ЖАКтан тастыкташты.
«З.М. аттуу жаран 2024-жылдын 8-майында Биринчи Май райондук сотунун чечими менен №21 (СИЗО-1) мекемеге камакка алынган. Ал 27-мартта ичи ооруп жатканын айтып кайрылган. Убактылуу кармоочу жайдын дарыгерлери карап, Тез жардам чакыруу чечимин чыгарышкан. Ал Мамакеев атындагы Улуттук хирургия борборуна жеткирилген. Ага боор рагына өтүп кеткен боордун циррозу жана порталдык гипертензия диагонозу коюлган. Ошол эле күнү операция жасалган. Көрсөтүлгөн жардамга карабастан, 28-мартта саат 19:30 чамасында жандандыруу бөлүмүндө каза болду»,- деп айтылат маалыматта.
