Бүгүн, 19-марттагы Жогорку Кеңештин тармактык комитеттеринин биргелешкен жыйынына УКМК төрагасы Камчыбек Ташиев келип, кыргыз-тажик арасы боюнча маалымат берип жатып, Достук айылынын тургундарынын азыркы абалына түшүнүү менен карап, киндик кан тамган, ата-бабанын сөөгү жаткан жерин таштап чыгып кетүү ар бир адамга оңойго турбасын билдирди.
“Муну саясатка аралаштырбагыла. Менден артык патриот болуу кыйын. Достуктун эми төрөлө турган балдары бардык шарты бар жерде торолушат, шаарга жакын болушат. Качан конфликт болсо, Достук айылы жабыр тартат, өрттөлөт, аскерлер, жай тургундар каза табат. Бул нерсеге чекит коюшубуз керек болчу, андай окуялар кайталанбасын. Достук айылынын тагдыры мен үчүн дагы оор. 2022-жылы тажик тарап менен болгон чатакта бир топ аскер кызматкерлери курман болгон. Чек ара заставасынын башчысынын орун басары Дастан мектепте акыр аягына чейин туруп салгылашкан. Мектептин дубалы кулап калгыча, жалгыз коргоп курман болгон. Ошондой эле прапорщик Жаныбай уулу Тилек, Санжар Анаркулов жана Шерали Анаркулов танкада жарылып каза болушкан. Ачыгын айтайын, балдарыбыздын калдыгын кол менен чогултууга туура келген. Биз ушундай окуялардын кайталануусунун алдын алдык”, — деди Камчыбек Ташиев.
Посмотреть эту публикацию в Instagram
