«Дүйнө жүзүнө жаңгак Кыргызстандан тараган». Бул тууралуу УКМК төрагасы Камчыбек Ташиев билдиришти.
«Азыр мен бир санды айтуудан тартынып жатам, окумуштуулар тактасын. Бул жаңгак миңдеген жылдар өсүп турган. Ушул жаңгак дүйнөгө тараган. Грек жаңгагы да болду, Түрк жаңгагы да болду… Дүйнөгө Кыргызстандан тараган. Кыргыз жаңгагы деп аташ керек. Ошондо тарыхка кайтып келген болобуз. Кыргыздар өзүбүздү өзүбүз көтөрө албайбыз»,- деди Ташиев.
Депутат Балбак Түлөбаев токойчу катары «Жаңгак токой дүйнөдө жалгыз бизде бар» деп жазды.
«Бизден тараган. Александр Македонский Индияга болгон сапарында бизге чейин жетип кайткан. Ошондо анын аскерлери жаңгакты ала кетишкен дешет окумуштуулар. Мага муну Стамбул университетинин Токой чарба факультетинин мугалими академик Фаик Йалтырык айткан»,- деп жазды ал.
