Транспорт министри Абсаттар Сыргабаев Транспорт жана коммуникациялар министрлигинин 2024-жылдагы аткарган иштери боюнча кыскача маалымат берди. Аны Министрлер кабинетинин басма сөз кызматы жарыялады.
Анын айтымында, 2024-жылы аталган министрлик 1000 чакырымдан ашык жол оңдоп, 800 чакырым асфальт төшөдү, техникалык базаны толуктап, 453 атайын техника сатып алды.
«Кытай-Кыргызстан-Өзбекстан» темир жолунун курулушу башталат, «Балыкчы — Кочкор — Кара-Кече» темир жолу 35 чакырымга жетти. Сосновка постунда QR-код менен төлөм системасы киргизилди, Төө-Ашууга кошумча камералар орнотулду. 15 көпүрө курулду, аэропорттордун учуп-конуу тилкелери асфальтталды, автобекеттер оңдолууда, туристтик жайларга жолдор жакшыртылууда. 2025-жылы бул иштер уланат», — деди Абсаттар Сыргабаев.
Маалыматта транспорттук көзөмөлдөн 112 миллион сом түшкөнү, 100 миңден ашык уруксат кагаздары алынганы айтылды.
