Министрлер кабинетинин төрагасы Адылбек Касымалиев Транспорт жана коммуникациялар министрлигине мамлекеттик бюджеттин эсебинен сатып алынган 453 жаңы атайын техниканы тапшырды.
“Бул жол тармагынын материалдык-техникалык базасын бир топ чыңдап, улуттук долбоорлорду ишке ашырууну тездетет”, – деди ал. МинКаб төрагасы 2024-жылы жол тармагын каржылоо 2020-жылга салыштырмалуу олуттуу эки эсеге көбөйгөнүн, ал 22 миллиард сомго жеткенин белгиледи.
Бул каражаттар 1000 чакырымдан ашык жолду оңдоого жана курууга, анын ичинде 802 чакырымга асфальт төшөөгө мүмкүндүк бергенин айткан Касымалиев: “Биз ири долбоорлорду баштадык: Кытай-Кыргызстан-Өзбекстан темир жолунун курулушу башталды. Балыкчы-Бөкөнбаев-Каракол, Нарын-Баетов, Ала-Бука-Жаңы-Базар-Кировка, Ош-Баткен-Раззаков. Ошондой эле туристтик аймактарда инфраструктураны жакшыртуу жана алыскы аймактардагы жолдорду куруу боюнча иштер активдүү иштер жүрүп жатат”, — деди.
