Президенттин иш башкаруучусу Каныбек Туманбаев МИК тарабынан курулуп жаткан көп кабаттуу үйлөрдүн курулушунун жүрүшү менен таанышты.
Учурда Чыңгыз Айтматов 102/1, 102/2 дарегинде 6 блоктон турган жалпы 612 батир курулууда. Андан тышкары, Ынтымак конушунда жалпысынан 51 блокту камтыган 8100 батир курулуп жатат. Курулуш иштери этап-этап менен бүткөрүлөт. 1-этапта 18 кабаттуу 7 блоктон турган 918 батир салынат.
Алсак, учурда өлкө боюнча МИК тарабынан 737 көп кабаттуу үйдүн курулушу кызуу жүрүүдө. Бул үйлөр жалпы 61 миң 827 батирди камтыйт. Бул убакытка чейин жалпысынан үйгө муктаж жарандарга 1059 батир берилген.
