Буга чейин УКМК маалымат таратып, Нарын облустук бириккен ооруканасынын травматология жана ортопедия бөлүмүнүн башчысы пара алып жаткан жеринен кармалганын билдирген.
«Кармалган жаран Нарын облусунун Ак-Кудук айылынын тургунунун атасына жасалган операция үчүн 90 миң сом талап кылган. Соттун чечими менен дарыгер камакка алынды»,- деп айтылат маалыматта.
СЕРЕП МЕДИА маалымат агенттигине өздүк булактар кармалган жаран тамашоучу жана белгилүү актёр экенин маалымдашты. Ал учурунда Тамашоудогу «Саяктар» командасында ойноп, кийин «Көк Салкын» тасмасына да тартылган.
