УКМКнын төрагасынын жакын туугандарынын аты-жөнүн пайдаланып өзгөчө ири өлчөмдөгү алдамчылык кылган дагы бир кылмыш ишине бөгөт коюлду. Бул тууралуу УКМКдан билдиришти.
УКМК төрагасынын жакын туугандарынын атын жамынышып, өзгөчө ири өлчөмдө алдамчылык фактысы боюнча 2 жаран кармалды.
Такталгандай, аталган адамдар коркутуу жолу менен, ошондой эле УКМК төрагасынын уулу менен жакын мамиледе экендигин айтышып жарандын жеке кыймылсыз мүлкүн ээлеп алышкан. Учурда кылмыш иши боюнча тергөө иштери уланып, башка тиешеси бар адамдар такталууда.