Жогорку Кеңештин жыйынында депутат Мирлан Самыйкожо менен ӨКМ министринин орун басары Урматбек Шамырканов кайым айтыша кетишти.
Депутат: Нарын облусунун Ак-Талаа районундагы Тоголок Молдо айыл аймагында Нарын дарыясынын жээгинде элдин үлүш жерлерин суу алып кетти. Ак-Кыя, Көк-Жар айылдарындагы калктуу конуштарга суу ооп бара жатат. ӨКМ барып көрдү беле?
Орун басар: Маалымат бар менде. Былтыр өзүм барып көрүп кеткем. Тиешелүү иштер болот, бирок быйылкыга каражатыбыз жок.
Депутат: Акча жок болсо, былтыр көрүп келген болсоңор, сугат жерлерди билесиз да. Ошол жер быйыл жок калды. Быйыл кантип жер айдайбыз деп жатышат. Эмне кылабыз?
Орун басар: Министрлик айдоо жерлерге жооп бербейт, министрлик калктуу конуштарды коргойбуз.
Депутат: Аны билебиз. Ак-Кыя боюнча маалыматыңыз барбы?
Орун басар: Маалыматым бар. Тиешелүү чечимдер чыккан. Каражат жок азыр.
Депутат: Ошондо каражат жоктугунан улам жерлер желип кете береби?
Орун басар: Каражатка карата иш кылабыз да. Коркунучта турган айылдарды коргоо боюнча иштерди алып барабыз.
Депутат: Урматбек мырза, эмне болду? Урушкуңуз келип жатабы?
Орун басар: Урушкум келген жок.
Депутат: Карагыла да анда.
